CONRADUS GEMMCENSIS, ALBERTUS PRAGENSIS, UDALRICIIS WESSOFONTANUS.
6. Convivium dulcissimae Virginis Mariae.
7. Gaudia beatae virginis Mariae.
10. Oratio super Salve regina.
11. Oratio super Ave maris stella.
13. De novem ordinibus angelorum.
15. De sancto Johanne Baptista.
16. De sanctis Petro et Paulo.
21. De sancto Johanne evangelista.
25. De sancto Matthaeo evangelista.
27. De sancto Matthia apostolo.
29. De sancto Luca evangelista.
37. De sancto Thoma Cantuariensi.
41. De sancto Mauritio et sociis ejus.
43. De sanctis Johanne et Paulo.
44. De sancto Achatio et sociis ejus.
53. De sancto Paulo, primo eremita.
69. De sancta Maria Magdalena.
1. De sancto Johanne Baptista.
4. De sancto Johanne evangelista.
5. De B. M. V. et S. Johanne ev.
9. De decem millibus Martyrum.
30. De sancta Maria Magdalena.
III. Udalriciis Wessofontanus.
13. De sancto Johanne baptista.
17. Ad sanctum Jacobum majorem.
18. Ad sanctum Joannem evangelistam.
1. Salve nobilis regina,
Fons misericordiae,
Aegris vitae medicina,
Lapsis vena veniae,
Sitibundis nunc propiua
Nectar Indulgentiae,
Et quos culpae pungit spina,
Medicamen gratiae.
2. Vere vitae tu dulcedo,
Cujus sapor proficit,
Favus mellis, suavis medo,
Cujus dulcor afficit,
Gratiae me tuae dedo,
Cujus odor reficit,
Nam te matrem Dei credo,
Cujus amor perficit.
3. Et spes nostra specialis,
Salve, decus virginum,
Cujus alvus virginalis
Fert salutem hominum,
Imperatrix aeternalis
Supernorum agminum,
Ut nos eruat a malis,
Deprecare dominum.
4. Ad te matrem en clama-
mus
Exules et filii
Evae, ad te suspiramus,
Accolae exsilii,
Te synimistam flagitamus
Divini consilii,
Per te fructum sentiamus
Coelestis auxilii.
5. In hac valle lacrimarum
Nos gementes dirige,
In abyssum offensarum
Lapsos flentes erige
A reatuque poenarum
Nos clementer corrige
Et a lacu tenebrarum
Trahens manum porrige.
6. Eja ergo, advocata
Nostra, mitis omnibus,
Iram Dei prece grata
Placa poenitentibus,
Dominatrix sublimata.
Praepotens virtutibus.
In patronam nobis data,
Salva nos ab hostibus.
7. Tuos tam misericordes
Ad nos verte oculos
Et peccati tolle sordes,
Animorum stimulos,
Tu conserva mundicordes,
Puritatis aemulos,
Vera pace fac concordes
Cunctos Christi populos.
8. Christum Jesum, benedictum
Fructum tui uteri,
Animarum dulcem victum,
Quo pascuntur superi,
Cruce tulit qui delictum
Microcosmi miseri,
Triumphando maledictum
Principatum Inferi ;
9. Tu benigna hunc ostende
Nobis post exsilium,
Audi preces et Intende
Gemitus humilium,
Diligentes te defende,
Firma spes fidelium,
Ne diei nos tremendae
Feriat judicium.
10. Vere clemens, vere pia,
Vere virgo regia,
Cui laudis harmonia
Personat In patria,
Nos gubernans In hac via
Tua per praesidia,
Transfer, dulcis o Maria,
In aeterna gaudia.