Acta Apostolicae Sedis - Commentarium Officiale736

Qualitas sacramentalis Verbi ita intellegi potest in analogia cum praesen-

tia reali Christi sub speciebus panis et vini consecratis.197 Accedentes ad altare

ac participantes convivium eucharisticum, nos realiter communicamus cor-

pus et sanguinem Christi. Proclamatio Verbi Dei in celebratione postulat ut

agnoscamus Christum ipsum adesse et ad nos se vertere 198 ut excipiatur. De

modo se gerendi erga Eucharistiam atque erga Verbum Dei sanctus Hiero-

nymus affirmat: « Legimus sanctas Scripturas. Ego corpus Iesu Evangelium

puto; sanctas Scripturas puto doctrinam eius. Et quando dicit: Qui non co-

mederit carnem meam et biberit sanguinem meum (Io 6, 53), licet et in Mysterio

[eucharistico] possit intellegi, tamen vere corpus Christi et sanguis eius sermo

Scripturarum est, doctrina divina est. Si quando imus ad Mysterium [eucha-

risticum], si micula ceciderit, periclitamur. Si quando audimus Sermonem

Dei, et Sermo Dei et caro Christi et sanguis eius in auribus infunditur, et

nos aliud cogitamus, in quantum periculum incurrimus? ».199 Christus, realiter

praesens sub speciebus panis et vini, adest simili modo etiam in Verbo in

liturgia proclamato. Altius sensum reperire sacramentalis qualitatis Verbi

Dei potest igitur fovere magis unitariam intellectionem mysterii revelationis

in « gestis verbisque intrinsece inter se connexis »,200 concurrendo ad vitam

spiritalem fidelium navitatemque pastoralem Ecclesiae.

Sacra Scriptura et Lectionarium

57. In lucem proferens nexum inter Verbum et Eucharistiam, Synodus

iure voluit in memoriam referre etiam quosdam aspectus celebrationis

coniunctos cum Verbi ministerio. Praesertim mentionem facere cupimus de

magno pondere Lectionarii. Instauratio incohata a Concilio Vaticano II 201

ostendit suos fructus, augens accessum ad sacram Scripturam quae abundan-

ter offertur, maxime in liturgiis dominico die celebrandis. Praesens structura,

praeterquam frequenter exhibet maioris momenti textus Scripturae, favet

comprehensioni unitatis divini consilii per congruentiam inter lectiones

Veteris et Novi Testamenti, « cuius centrum est Christus in suo paschali

mysterio recolendus ».202 Quaedam difficultates quae manent in comprehen-

197 Cfr. Catechismus Catholicae Ecclesiae, 1373-1374. 198 Cfr. Conc. Oecum. Vat. II, Const. de sacra Liturgia Sacrosanctum Concilium, 7. 199 In Psalmum 147: CCL 78, 337-338. 200 Conc. Oecum. Vat. II, Const. dogm. de divina Revelatione Dei Verbum, 2. 201 Cfr. Conc. Oecum. Vat. II, Const. de sacra Liturgia Sacrosanctum Concilium, 107-108. 202 Ordo Lectionum Missae, 66.