Acta Benedicti Pp. XVI 743

cerdotis,228 praecipimus ut a competentibus auctoritatibus edantur directoria

ritualia, ratione habita de Ecclesiarum particularium experientiis. Hoc modo

promovendae sunt, his in adiunctis, celebrationes Verbi quae fidem nutriant

credentium, cavendo tamen ne illae cum ipsis celebrationibus eucharisticis

confundantur; « singulares potius sint Dei precandi occasiones ut sanctos

mittat secundum cor suum sacerdotes ».229

Synodales Patres insuper hortati sunt ad Verbum Dei celebrandum

occasione quoque peregrinationum, festivitatum peculiarium, missionum ad

populum, secessuum spiritualium atque dierum specialium paenitentiae,

reparationis et remissionis. Quod spectat ad varias formas pietatis popu-

laris, etiamsi non sunt actus liturgici neque cum celebrationibus liturgicis

confundendi, attamen bonum est ut inspirentur ac praesertim iustum

tribuant spatium Verbo Dei proclamando et audiendo; revera, in « verbo

biblico pietas popularis inexhaustum inveniet fontem inspirationis, insu-

perabiles formas orationis atque fecunda proposita thematica ».230

b) Verbum et silentium

66. Non paucae synodalium Patrum voces in pondus silentii institerunt

in relatione cum Verbo Dei cumque eius in vita fidelium receptione.231 Ver-

bum revera tantummodo in exteriore interioreque silentio pronuntiari et

audiri potest. Aetas nostra meditationi non favet et aliquando veluti timor

esse videtur, etiam brevi instanti, sese ab instrumentis publicae communica-

tionis abstrahendi. Quam ob rem necesse est hodie Populus Dei ad valorem

silentii formetur. Reperire centralem Verbi Dei in vita Ecclesiae positionem,

sibi vult quoque meditationis et quietis spiritalis sensum iterum invenire.

Ingens traditio patristica nos docet mysteria Christi cum silentio coniungi 232

et tantummodo in eo Verbum invenire apud nos posse mansionem, uti evenit

in Maria, et Verbi simul et silentii muliere. Liturgiae nostrae hanc genuinam

auditionem faciliorem reddant oportet: Verbo crescente, verba deficiunt.233

228 Cfr. Benedictus XVI, Adhort. ap. postsynodalis Sacramentum caritatis (22 Februarii

2007), 75; AAS 99 (2007), 162-163. 229 Ibid. 230 Congregatio de Cultu Divino et Disciplina Sacramentorum, Direttorio su pietà popolare e

liturgia. Principi e orientamenti (17 Decembris 2001), 87: Ench. Vat. 20, n. 2461. 231 Cfr. Propositio 14. 232 Cfr. S. Ignatius Antiochenus, Ad Ephesios, XV,2: Patres Apostolici, ed. F.X. Funk,

Tubingae 1901, I, 224. 233 Cfr. S. Augustinus, Sermo 288, 5: PL 38, 1307; Sermo 120, 2: PL 38, 677.