Acta Benedicti Pp. XVI 755

actionibus detinetur, quibus obrui periclitatur. Viri et mulieres vitae contem-

plativae, eorum vita orationis, auditionis meditationisque Verbi Dei, nos

admonent quod non in pane solo vivit homo, sed in omni verbo, quod

procedit de ore Dei (cfr. Mt 4, 4). Cuncti fideles idcirco meminerint eiusmodi

vitae formam « mundo nostrae aetatis demonstrare id quod est maximi

momenti, in summa, unum necessarium: quod postrema adest ratio qua

operae pretium est vivere, Deus videlicet eiusque imperscrutabilis amor ».280

d) Verbum Dei et christifideles laici

84. Ad christifideles laicos Synodus saepenumero animum vertit, gratias

eis referens de munifico eorum studio in Evangelio propagando in variis

cotidianae vitae provinciis, in opere, in schola, in familia et in educatione.281

Eiusmodi munus, quod a baptismo provenit, oportet per vitam christianam

semper magis consciam augeri possit atque « rationem spei » (cfr. 1 Pe 3, 15)

quae est in nobis dare valeat. Iesus in Evangelio secundum Matthaeum affir-

mat: « Ager autem est mundus; bonum vero semen, hi sunt filii regni » (13, 38).

Haec verba christifideles laicos potissimum contingunt, qui propriam vivunt

vocationem ad sanctitatem per exsistentiam secundum Spiritum qui expri-

mitur « speciatim se inserendo in rebus temporalibus et participando in navita-

tibus terrenis ».282 Illi indigent formatione ad discernendam voluntatem Dei

per consuetudinem cum Verbo Dei, lecto et vestigato in Ecclesia, legitimis

ducentibus Pastoribus. Utinam haurire possint hanc formationem ex scholis

sublimium spiritalium traditionum ecclesialium in quarum fundamento sacra

semper adest Scriptura. Quantum fieri possit, hoc in sensu ipsae dioeceses

formationis occasiones praebeant laicis qui peculiaria officia ecclesialia

habent.283

e) Verbum Dei, matrimonium et familia

85. Synodus animadvertit necessitatem in lucem proferendi etiam ne-

cessitudinem inter Verbum Dei, matrimonium et familiam christianam. Nam

« Verbum Dei annuntians, Ecclesia patefacit christianae familiae veram eius

280 Benedictus XVI, Allocutio in visitatione Abbatiae «Heiligenkreuz » (9 Septembris 2007):

AAS 99 (2007), 856. 281 Cfr. Propositio 30. 282 Ioannes Paulus II, Adhort. ap. postsynodalis Christifideles laici (30 Decembris 1988), 17:

AAS 81 (1989), 418. 283 Cfr. Propositio 33.