Acta Apostolicae Sedis - Commentarium Officiale764

Verumtamen id quod mundo nuntiat Ecclesia, est Logos Spei (cfr. 1 Pe

3, 15); « magna Spe » indiget homo ut in praesentia vivat, magna scilicet

spe quae est « ille Deus qui humanum possidet vultum quique nos in

''finem dilexit'' (Io 13, 1) ».311 Idcirco Ecclesia essentialiter est missionaria.

Nobis verba vitae aeternae retinere non possumus, quae nobis dantur, Iesum

Christum convenientes: omnibus, cuique homini, ipsa destinantur. Singulae

huius temporis personae, scientes vel nescientes, hoc nuntio indigent. Domi-

nus ipse, quemadmodum Amos prophetae temporibus, inter homines novam

famem novamque sitim Domini verborum concitet (cfr. Am 8, 11). Nostrum

est officium id quod per gratiam recepimus vicissim transmittere.

Ex Dei Verbo Ecclesiae missio

92. Episcoporum Synodus firmiter necessitatem confirmavit in Ecclesia

missionariam conscientiam corroborandi, in Dei Populo inde eius ab origine

praesentem. Pristini christiani suum missionarium nuntium putaverunt ne-

cessitatem quandam, ex ipsa fidei natura orientem: Deus in quem credebant

erat omnium Deus, Deus unus et verus, qui in Israel historia et novissime suo

in Filio se monstrabat, ita ad id respondens quod universi homines, imo ex

corde, exspectant. Primevae christianae communitates animadverterunt

suam fidem ad peculiaris cultus consuetudinem non pertinere, quae pro po-

pulis distinguitur, sed in veritatis ambitu versari, quae pariter ad omnes

homines spectat.

Rursus sanctus Paulus sua vita missionis christianae sensum eiusque pri-

migeniam universalitatem nobis collustrat. De eventu illo cogitamus qui in

Actibus Apostolorum apud Areopagum Atheniensem narratur (cfr. Act 17, 16-

34). Apostolus gentium cum diversi cultus hominibus dialogum instituit, sibi

conscius Dei mysterium, Noti-Ignoti, cuius quiddam, quamvis confusum,

percipit quisque homo, in historia esse revelatum: « Quod ergo ignorantes

colitis, hoc ego annuntio vobis » (Act 17, 23). Etenim in christiani nuntii

novitate cunctis populis dici potest: « Ipse se monstravit, ipse personaliter.

Et nunc ad Eum patet via. Christiani nuntii novitas non in cogitatione aliqua

residet, sed in facto: Ipse se revelavit ».312

311 Benedictus XVI, Litt. enc. Spe salvi (30 Novembris 2007), 31: AAS 99 (2007), 1010. 312 Id., Allocutio Lutetiae Parisiorum ad viros culturae deditos apud Collegium a Bernardinis

(12 Septembris 2008): AAS 100 (2008), 730.