Acta Benedicti Pp. XVI 767

Nuntius ac nova evangelizatio

96. Summus Pontifex Ioannes Paulus II, semitam sectans Summi Pon-

tificis Pauli VI Adhortationis apostolicae Evangelii nuntiandi, multimodis

fidelibus pro universo Dei Populo novi aevi missionarii memoravit necessita-

tem.320 Tertii millennii initio non modo sunt tot populi qui Bonum Nuntium

haud noverunt, sed multis etiam christianis necesse est ut Dei Verbum effi-

caciter denuo nuntietur, ita ut Evangelii vim vere experiantur. Tot fratres

« quamvis baptismo sint loti, tamen infirmiore Evangelii cognitione » 321

fruuntur. Saepenumero Nationes, olim fide vocationibusque locupletes, suam

identitatem deperdunt, quadam perniciose imperante cultura in saecularem

statum redacta.322 Novae evangelizationis necessitas, quam Venerabilis

Decessor Noster vehementer animadvertit, sine metu est roboranda, dum

compertum est de divini Verbi efficacitate. Ecclesia, de sui Domini fidelitate

secura, Evangelii bonum nuntium annuntiare non cessat atque omnes

christianos ad Christi sequelae fascinationem denuo detegendam invitat.

Dei Verbum et christiana testificatio

97. Lata ecclesialis missionis spatia, condicionis praesentis complicatio

novatas rationes hodie requirunt, ut efficaciter Dei Verbum communicetur.

Spiritus Sanctus, primarius omnis evangelizationis auctor, Christi Ecclesiam

moderari hac in opera numquam desinet. Attamen praestat ut omnis nun-

tiandi ratio ante omnia intrinsecam necessitudinem inter Dei Verbi commu-

nicationem et christianam testificationem prae se ferat. Ex hac re ipsa nuntii

auctoritas pendet. Hinc necessarium est Verbum, quod communicet id quod

ipse Dominus nobis dixit. Hinc oportet ut una cum testificatione auctoritas

huic verbo tribuatur, ne forsitan videatur pulchra philosophia vel utopia, sed

potius realitas quaedam quae haberi potest et efficit ut vivatur. Haec inter

Verbum et testificationem mutua necessitudo rationem revocat qua ipse

Deus per Verbum suum incarnatum se communicavit. Dei Verbum homines

attingit per testes, « qui sermonem Dei vivum et praesentem exhibeant ».323

Novae potissimum generationes oportet ut ad Dei Verbum perducantur

320 Cfr. Ioannes Paulus II, Litt. enc. Redemptoris missio (7 Decembris 1990): AAS 83 (1991),

294-340; Id., Litt. ap. Novo millennio ineunte (6 Ianuarii 2001), 40: AAS 93 (2001), 294-295. 321 Propositio 38. 322 Cfr. Benedictus XVI, Homilia dum inauguratur XII Coetus Generalis Ordinarius Synodi

Episcoporum (5 Octobris 2008): AAS 100 (2008), 753-757. 323 Propositio 38.