12. De Stigmatibus s. Francisci.
13. De Stigmatibus s. Francisci.
29. In Translatione s. Hedwigis.
51. In Decollatione s. Iohannis B.
53. De s. Iohanne ante Portam Latinam.
54. De sancto Iohanne ante Portam Latinam.
55. De Reversione s. Iohannis.
56. De s. Iohanne Chrysostomo.
57. De s. Iohanne Clusoniensi.
58. De s. Iohanne Eleemosynario.
75. De s. Katharina de Suecia.
In 1. Vesperis.
Ad Magnificat.
Gloriosi confessoris Christi
Ludgeri sollemnia
Devoto concentu
celebret ecclesia,
Quem Domini
pietas sublimavit
Et sanctorum
claritate glorificavit.
Ad Matutinum.
Invitatorium.
Aeterno regi
iubilum resonate canorum,
Ludgerum merito
qui vexit ad alta polorum.
In 1. Nocturno.
Antiphonae.
1. Beatus Ludgerus, ortus
Ex genere nobilium,
Tanquam fructiferum liguum
Deo in ecclesia
Fecit fructum dignum.
2. Ubi postmodum praedicans
Praeceptum Domini,
Gentes congregavit
In unitatem fidei.
3. Invocantem se Deus exaudivit,
Dum pro construendo
Verdensi coenobio
Silvam et sine ferro praescidit.
Responsoria.
1. Beatus Ludgerus,
In scripturis sacris
Ad summum eruditus,
Gentem Frisonum
Convertit ad Dominum;
V. Fidei quippe semen
cupiens seminare per orbem,
Brabantos et Saxones
Christo fecit esse fideles.
2. Vita vir sanctus,
verbo quoque testificatus,
A puero Christum
mentem iactabat in ipsum,
V. In lege Domini
nocte meditatus dieque.
3. Suscepto igitur fidei
ac caritatis cinctorio
Beato coepit
adhaerere Gregorio,
Qui cum episcopus
esset apud Traiectum,
Eum prae ceteris
magis habebat acceptum,
V. Quem quia Deo et hominibus
novit esse dilectum.
In 2. Nocturno.
Antiphonae.
1. Viri Dei dum super his
Divina laudaret magnalia,
Scuto bonae voluntatis
A Deo coronatus est in gloria.
2. O admirabile divinitatis
Nomen et miraculum,
Qui inter omnes casus arborum
Unam ei dimisit ad umbraculum.
3. Unde in Domino confidens
Et eum benedicens
Opus ecclesiae inchoavit,
Quod iam olim desideravit.
Responsoria.
1. Dum lucerna
Christi Ludgerus
In candelabro
exaltaretur
pontificatus,
Ut in Monasteriensi ecclesia
Lumen praestaret omnibus,
Honorem illum
suscepit invitus.
V. Quoniam prodesse semper
Quam praeesse maluit
Sublimia fugiens,
Humilia cupiens.
2. Abscondit hispidum
Sub honesta veste cilicium
Carnem macerans,
Spiritum roborans,
Christi templum et odor bonus
Factus est in saeculis,
V. Iucundus apud homines,
Devotus Deo per immensos
Et absconditos labores.
3. Virtus Ludgeri
morbis consueta mederi,
Daemone vexatis,
claudis et morte gravatis,
Surdis et mutis
concessit dona salutis;
V. Scribantur haec Ludgeri opera
In generatione altera,
Ut laudetur Deus in saecula.
In 3. Nocturno.
Antiphonae.
1. Domum Domino vir beatus
In terris studuit aedificare,
Ut in monte sancto eius
Constitutus
mereretur habitare.
2. Super salutare Dei
Vehementer exsultavit,
Dum genti Saxonicae
Verbum vitae praedicavit
Indesinenter.
3. Hic accipiet
benedictionem a Domino,
Qui infirmantibus
sanitate
Indigentibus
succurrit largitate.
Responsoria.
1. Cum vir sanctus,
virtutum gratia
Plenus, ex hac
luce migravit,
Splendor ignis
de caelo veniens
Totam illustravit
provinciam;
V. In oculis Karoli
et totius terrae
Lumen apparuit
visu mirabile,
2. O pater alme, tui,
Ludgere, preces gregis audi,
Esto tuis portus,
ubi lucis panditur ortus,
Ne nos cum mundo
pelagi trahat unda profundo;
V. ''Quia apud Dominum miseri-
cordia est et copiosa redemptio.''
3. Postquam Ludgerus
divino munere fretus
Umbras silvarum
stravit latebrasque ferarum,
Ecclesiam statuit,
tenebras ubi luce fugavit,
V. ''Quoniam illic mandavit Do-
minus benedictionem et requiem
ei in saeculum.''
In Laudibus.
Antiphonae.
1. Armis indutus
fidei lumbosque recinctus
Idola Ludgerus
stravit, lucis incola verus.
2. Sancta patris pietate
Ferae carent feritate,
Dona patent sumpta prave
Sparso melle, rupto vase.
3. Horam Ludgerus
mortis praenoscere dignus
Corporis et requiem,
benedixit cunctipotentem.
4. Consummatoque feliciter
Praesentis vitae circulo
Beato pariter et dudum
Optato transitu
Sanctus Ludgerus migravit
Ad Dominum Iesum Christum.
5. Beati viri merita
Lux declaravit caelica,
Nocte fulgens media
Cum sancto petit aethera,
Quem manus fert angelica.
Sit Christo regi gloria.
Ad Benedictus.
A. Ex odoris
mira fraglantia
Dei in. servo suo
ostensa est potentia,
Cum post mortis
diem tricesimum
Nullum sensit
corruptionis vestigium;
Benedictus
Dominus in saecula,
Qui cornu sui famuli
tanta sublimavit gloria.
In 2. Vesperis.
Ad Magnificat.
A. Sancte Ludgere,
Tuos famulos
Pio precatu
Ab omni culpa
Emunda
Commendans
Deo caelestium.
Ut consortes faciat
Gaudiorum.
Ad Magn. A in A:
Ludgeri celebria
Corde devoto
Celebremus sollemnia,
Quem Dominus virtutum
Stola immortalitatis indutum
Inter caelicolas hodie
Sublimavit gloriae,
Cuius nos salvifica
Christo commendent patrocinia.