XLI a. CHRISTANUS CAMPOLILENSIS.
7. De sancto Colomanno. Ad Completorium.
12. De sanctissimo Sacramento.
19. De beata Maria V. Super Ave Maria.
51. De s. Iohanne Evangelista.
69. De s. Michaele et Angelis.
1. Ave, claro genere
Florens o Lamberte,
Clarior in opere
Sancto eras certe,
Tuae precis munere
Fiam felix per te,
Conantem me laedere
Satanam subverte.
2. Ave, sanctimoniae
Cum sumis profectus,
Dono regis gloriae
Praesul es electus,
Mihi praesta variae
Virtutis effectus,
Aeternae miseriae
Ne laedat defectus.
3. Ave, pro invidia
Qui de cathedrali
Pulsus es ecclesia
Causa carens mali,
A me pelle vitia
Cuncta pulsu tali,
Ne pellar a gratia
Motu aliquali.
4. Ave, qui coenobio
Iunctus monachorum
In Dei servitio
Corda firmas horum,
Exsicca, quem sitio,
Fontem vitiorum,
Sit mihi refectio
Iesus, fons hortorum.
5. Ave, qui perimens
In oratione,
Dignus hinc efficeris
Caelestis coronae,
Da, ne iungar inferis
Cum confusione,
Sed regnem cum superis
Tecum, praesul bone.