1. Aureum orbis saeculum
Mente recolamus,
Salutis exordium
Laudibus canamus.
2. Inclytae partum virginis
Angeli nuntio,
Graditur a superis
Mundi redemptio.
3. Adae patris atque matris
Quondam casus Evae
Separatur felicis
Paranymphi Ave.
Nur C. -
4. Contulit hoc nam pietas
Celsa conditoris,
Dum humana pravitas
Cunctis crevit oris.
5. Boreas, auster, occasus,
Lucidus oriens,
Universa factura,
Quam salvat summum ens.
6. Die: Sit honor patri nato
Ob tantum levamen,
Sit et flamini sacro
Per saecula. Amen.