DE PRIMO RERUM OMNIUM PRINCIPIO
Ad duas primas conclusiones ostendendas praemitto unam conclusionem talem:
TRACTATUS SINGULARIS, AC PROPE DIVINUS.
CUM ANNOTATIONIBUS F. MAURITII DE PORTU, EJUS QUONDAM INTERPRETIS FIDELISSIMI.
ADJECTIS SCHOLIIS, ET NOTIS R. P. HUGONIS CATELLI,
IN CONVENTU S. MARIAE DE ARACOELI IN URBE, S. THEOLOGIAE
PRIMARII PROFESSORIS.
R. P. F. LUCAE WADDJNGI CENSURA.
Quotquot de Scoli operibus scribunt, tractatum hunc intexunt, et multi a pietate et subtilitate commendant. Circa qualitatem et tempus, quo scriptum est, docte prae fatur ad lectorem R. P. Cavellus. Tria nactus exemplaria MSS. in Bibliotheca Vaticano, ego paucula correxi, et adjunxi. Ad finem capitis secundi majoris factae additionis lectorem praemonebo.
PRAEFATIO AD LECTOREM.
Tractatus iste de primo principio vere aureus est, in quo Doctor, instar aquilae in altum volantis, quantum humano ingenio possibile esse videtur, naturam primi rerum principii, seu causae supremae indagat et scrutatur: quod non propriis naturae viribus, sed specialibus ejusdem primi principii adjutoriis confortatum praestitisse, testantur et persuadent, peculiaris ejus in hoc tractatu prae aliis devotio, et veluti mentis in Deum continua ascensio. Ita enim materiam hanc tractat, ut non minus accendat affectum quam illuminet intellectum, atque ut soliloquium Theologicum magis esse videatur quam scholastica disserlalio. Quatuor continet capitula, quorum singula inchoantur et finiuntur devota oratione, et mentis in Deum elevatione. Cap. 4. ad conclusionem 10. epilogando tractatum, altissimum instituit cum ipso primo principio colloquium, ejus perfectiones numerans, ruminans, maslicans et ad ascendendum in illud, affectum suavissime disponens, invitans et attrahens. Scripsit hunc tractatum ante Metaphysicam, ut habes ex ipso lib. 9. Melarh. quaest. 4. num. 5. et ante Theoremata, ex cap. 4. num. 37. sed post tract, de Anima ex eodem cap. num. 14. 18.
PRIMUM RERUM PRINCIPIUM MIHI EA CREDERE,
SAPERE AC PROFERRE CONCEDAT, QUAE IPSIUS PLACEANT
MAJESTATI ET AD EJUS
CONTEMPLATIONEM ELEVENT MENTES NOSTRAS.